أخوان وأكثر من أخوان





حنا الثنين اخوان واكثر من اخوان
لو ما اجتمعنا بالنسب والسلايل
******
لو نختلف بأسماء وعروق واوطان
يبقى التشابه بيننا بالخصايل
******
وأنا ليامنّي نويت اكسب إنسان
اسعى له بكل السبل والوسايل
******
اعرف كيف ارد الإحسان بإحسان
كيف احصد بذور الفضايل فضايل
******
عايش زمن عاصرت به كل الأزمان
مـا أعـيـل بـس انـطـح ثـمـانـيـن عـايـل
******
أكتب عدو واحرق به قلوب عدوان
اشعل فتيلة بس اطفي فتايل
******
إن خفت ضعف اخاف ضعف الإيمان
وإن عفت حمل اعاف حمل الجمايل
******
تغرق شهيد ارحم من تموت عطشان
طيحة شموخ ولا وقوف إمتمايل
******
والوقت غربة وآخر الوقت عنوان
والعمر رحلة والتجارب رحايل
******
ودك ليامن جيت في كل ميدان
لو ماانت الأول بالصفوف الأوايل
******
وانا كثر مالي من الناس خلان
اللي صفا لي بالشدايد قلايل
******
شايف حسد؟ قل شايف اشكال والوان
قابلت ظلم؟ إلا لقيت الهوايل
******
الوقت غربة وآخر الوقت عنوان
والعمر رحلة والتجارب رحايل
******
وإن عشعش بصدري من الهم شيطان
وتسددت دوني جميع الوسايل
******
بلقى من عيال الحمايل كحيلان
اللي يكفي عن عيال الحمايل
******
مرّات ربك يرزقك خُوّة انسان
واحد ويسوى في عيونك قبايل
******
الوقت غربة آخر الدرب عنوان
والعمر رحلة والتجارب رحايل



تعليقات

‏قال koivis
Greetings from Belgium, visit my weblog on: https://koivis.wordpress.com/

المشاركات الشائعة من هذه المدونة

أغداً ألقاك .. تخلد الراحل الهادي آدم

أبحث عن كاتب اسمه ( يارا )

حكم وأقوال مثيرة للكاتب الأمريكي مارك توين